EuskalNatura Euskal Herriko natura eta zientziaren informazioa euskaraz biltzen duen webgunea da. Bi arlo hauen euskarazko informazioak interneten duen gabeziari aurre egiteko sortu genuen webgunea 2007. urtearen hasieran. Urte hartako martxoan arazo teknikoak izan genituen eta informazio andana galdu. Hala ere, maiatzean, indarberriturik, diseinu eta eduki berriekin berriz ere ekin genion eta ordudanik etengabe dihardugu informazioa gehitzen.

Nork sorturiko proiektua da?

EuskalNatura webgunea sortzearen ideia EHUn Biologia ikasketak egiten dihardugun 6 ikaslek izan genuen 2006ko urria aldera. Interneten zientzia eta naturari buruzko informazio gutxi zegoela iruditzen zitzaigun eta zulo hori betetzeko webgune bat egitea otu zitzaigun. Hala, 2007ko urtarrilean eman genuen argitara gure proiektua.