Genetika belaunaldi batetik bestera geneak nola transmititzen diren eta gene hauek kontrolatzen dituzten ezaugarrien garapena nola gertatzen den aztertzen duen zientzia biologikoen atal bat da.

Disziplina honetan zelulen, indibiduoen, beren ondorengoen eta populazioen azterketak burutzen dira. Genetikariek bariazio hereditario forma guztiak aztertzen dituzte, ezaugarri hauen azpian dagoen oinarri molekularrarekin batera.

Genetika hiru atal nagusitan banatzen da. Genetika klasikoa edo mendelianoa, Genetika molekularra eta Populazioen genetika.