Udako Euskal Unibertsitateak (UEU) 2007/2008 ikasturteko erronkak aurkeztu zituen atzo Bilbon. Elkarlana, kalitatea, berrikuntza eta erreferentzialtasuna izango dira hurrengo hilabeteetan UEUk izango dituen ardatzak. Aurkezpena genetikari buruzko gosari akademiko baten bidez burutu zen eta bertan, UEU eta EHUko hainbat zuzenbide irakasle eta zientzialarik hartu zuten parte. Larruazaleko zeluletatik eratorritako zelula amak sortzea izan zuten hizpide hizlariek.

Duela gutxi medioetan zabaldu zen zelula amen ikerketan egindako aurkikuntza hartu zuten tertuliaren abiapuntu bezala; eta hari horri tira eginez, eztabaida etikoak, interes ekonomikoak eta muga legalen inguruan aritu ziren ordubete luzez.

Mahainguruan, Lore Erriondok, UEUko Zuzendariak; Ana Zubiagak, genetikan adituak, EHUko ikerlariak eta UEUkideak; Itziar Alkortak, EHUko Zuzenbide irakasleak eta UEUkideak eta Pili Kaltzadak, zientzia kazetaritzan adituak eta UEUkideak hartu zuten parte.

Hona hemen audioa: