EuskalNatura | 2012.01.18
Urtarrilak 13
ostirala UEUren Natur Zientziak sailaren erreleboa hartu genuen EuskalNatura
taldekook. Eibarko UEUren
Markeskoa egoitzan egin zen ekitaldia. Erreleboa hartzeaz gain euskalnatura.net
webgune berriaren aurkezpena egin zen.
Ez zen jende gehiegi izan bertan, baina, batzuen eta besteen
proposamenekin bilkura aberasgarria izan zen.
Natura | 2011.12.26
Pirinioetako hartzen egoera makurra da populazioa batez ere arrez osatuta baitago. Berez, espainiar eta frantziar estatuek Europako proiektuak abian jarriko zituztela sinatu zuten, baina 7 urte dira iada Canelle azken hartz emea hil zenetik eta oraindik ez dute lan handirik egin. Orain, hartz emeak askatu nahi dituzte Pirinioetako hartzen populazioak iraun ahal dezan.
Ingurugiroa | 2011.12.22
Atzo Iruñeko Akelarre Kultur Elkartean "Nafarroa bizirik nahi dugu" egitasmoa aurkeztu zuten. Egitasmo horretan hedapen txikiko ekimen batzuk batu dira, bakoitza bere inguruko proiektu baten kontra lan egiten ari dena, aldarri berdinaren norabidean aritzeko. Xedea: eskala txikiko kemena eskala handiko erregai bihurtzea.
Natura | 2011.12.16
Nafarroako Gobernuak Erronkariko 3 ingurune Babes Bereziko Gune izendatu ditu. Guneak hauek dira: Larra-Aztaparreta, Larrondo-Lakartxela eta Arrigorrieta-Peña Ezkaurre. Erabaki hau Europako Habitaten eta Basa Fauna eta Floraren Zuzentaraua (92/43/CEE) betetzeko pausu bat gehiago dela adierazi dute.
Nafar Gobernuak Zilbetiko harrobia eta Kintoako naturgune izaera konpatibleak direla erabaki du. Alduides Babes Bereziko Eremuan (ZEC) harrobia egiteko azken oztopoa gainditu da beraz.
