Negundo astigarra
Acer negundo

Negundo astigarra Ipar Ameriketakoa dugu jatorriz baina Europan ornamental modura landatzen hasi zenetik izugarri hedatu da kontinente honetan ere. Oso zuhaitz erresistentea dugu, kutsatutako zonaldeetan ondo hazten dena eta beraz, maiz lehenengoetarikoa da giza-jardueraren ondorioz asaldatutako guneetan hazten dena. Zenbait lekutan, espezie inbasoretzat ere jotzen da.

Acer negundo

Dibisioa
Magnoliopyta
Subklasea
Ordena
Sapindales
go Familia
Aceraceae
Deskribatzailea
Linnaeus, 1753

Morfologia

Zuhaitz txikia dugu negundo astigarra, biziraupen motzekoa eta gehinez 10-20 metroko altuera eta 30-50 cm-ko diametroa lortzen duena. Adar berdeak ditu, argizari gorrizka batez estaliak gaztetan.

Hostoak

Beste astigar batzuk ez bezala, honek hosto pinnatuak ditu, 5 folioloekin gehienetan (3 edo 7 ere izan ditzake). Hostoek 12-25 cm-ko luzera dute eta foliolo bakoitzak 6-10 x 3-7 cm-koa. Ez dago hiru foliolo baino gehiago dituen beste astigarrik. Hostoen ertzak sakonki zerratuak daude eta simetrikoak dira hostoen oinarrialdean.

Loreak

Korinbo motako infloreszentziatan pilatzen dira loreak. Korinbo hauek dilindariak dira, eta 10-20 cm-ko luzera izaten dute. Loreak txikiak dira, eta beste astigarren loreen antzekoak. Gainontzeko astigarrak ez bezala, negundo astigarrak dioikoak dira, hau da, ale ar eta emeak daude.

Fruituak

Samara motako fruituak ematen ditu, bikoteka batzen direnak (disamarak). Samara hauek 1-2 cm-ko luzera dute eta 2-3 cm-ko hego kurbatuak izaten dituzte.

Banaketa

Zuhaitz hau Ipar Amerikakoa da jatorriz baina gurean ere naturalizatu egin da eta Europa hegoaldean zehar zabalduta dago, Iberiar Penintsulatik Alemaniaraino eta Ipar Afrikatik Norbegiako hegoalderaino. Euskal Herrian batik bat ornamental modura azaltzen da.

Acer negundo Acer negundo

Habitatak



Habitat bereko espezie gehiago

Calluna vulgaris
Ainar arrunta
Erica vagans
Txilar burusoila
Basagurbea
Sorbus aucuparia
Otsalizarra
Erica cinerea
Ainar purpura
Salix viminalis
Zume jatorra
Acer monspessulanum
Ihar frantsesa


Ekologia

Landare heliofitoa da eta maiz hazten da zonalde istilduetan. Asaldatutako guneetan ere maiz hazten da eta beraz, giza jarduerak mesede egiten dio maiz, landare inbasoretzat ere hartuta dagoelarik zenbait zonaldeetan.

Fenologia

Udaberri hasieran loratzen da eta fruituak udazken hasieran heltzen dira.

Erabilerak

Europan zuhaitz hau ornamental modura erabiltzen da. Kalitate txarreko egurra du eta beraz, soilik asaldatutako zonaldeen birpopulazioan erabiltzen da gurean, hazkuntza azkarrekoa baita eta kutsadurarekiko erresistzentzia handia azaltzen duen espeziea.

Esteka interesgarriak

http://www.blog.friskbrisrc.com/how-to-write-essays-for-mba-admission/ Egilea: Maialen Sistiaga | Sorrera: 2012/10/20 | Azken eguneraketa: 2013/12/30 | Bisita-kopurua: 1905 | Argazki nagusia: Divina Aparicio

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...